Ji bo rûniştina parlamentoyê îmzeyên parlamenteran hatin komkirin

39

 

 

NAVENDA NÛÇEYAN

 

Der barê rûniştina sibe ya parlamentoya Herêma Kurdistanê de Rêvegeriya Ragihandina Parlamentoya Herêma Kurdistanê daxuyaniyek nivîskî belav kir.

 

Di daxuyaniyê de wiha hate gotin: “Kurdistan di şert û mercek  hesa re derbas dibe û pêwîste parlamento bi rolê xwe yê dîrokî rabe. Îmzeyên rêjeya yasayî  ya parlamenteran ji bo rûniştina sibe  parlamentoyê hatin komkirin, hatin pêşkêşkirin.”

 

Heya niha parlamenterên koma Tevgera Goran û Komeleya Îslamî ji bo wê rûniştnê îmze ne dane.

 

Parlamentoya Herêma Kurdistanê ji 111 parlamenteran pêktê. Ji bo lidar xistina rûniştina parlamentoyê pêwîstî bi 56 îmzeyan heye.

 

Ji 25’ê Cotmeha  2015’an ve bi biryara PDK’ê  parlamentoya Herêma Kurdistanê  hat rawestandin. Niha jî ji ber lidar xistina referandûmê, li gel YNK û hinek hizbên  din yên biryar dan ku parlamento were aktîfkirin.

 

(rn)