Şervanên YBŞ’ê Arif û Amed li Şengalê hatin bîranîn

38

 

 

ŞENGAL / ROJNEWS

 

 

Şervanên YBŞ’ê Arif Şengalî û Amed Şengal ên 3’yê Adarê di êrîşa hêzên çekdar ên girêdayî PDK’ê ya li ser bajaroka Xanesorê bi heşt hevalên xwe re şehîd ketin, li bajaroka Sînûnê û Dîgurê yên girêdayî Şengalê bi tevlîbûna gelek kesan hatin bîranîn.

 

Şehîd Arif li Sînûnê hat bîranîn

 

Ji bo şervanê YBŞ’ê şehîd Arif Şengalî li bajaroka Sînûnê ya Şengalê merasîmeke bîranînê hat lidarxistin.

 

                                                                                                     (ŞEHÎD ARIF)

 

Di bîranînê de ku gelek kes amade bûn piştî deqeyek rêzgirtina ji bo şehîdên azadiyê  li ser navê Komîteya Malbatên Şehîdan Serhildan Şengalî axivî û got: “Di şerê navbera  Xanesorê û Sînûnê de pêşmergeyan dixwestin hêzên YBŞ û YJŞ’ê tine bikin. Li hêzên parastina gel YBŞ û YJŞ’ê çeperên xwe bernedan, bi lehengî şer kirin.”

 

 

Fermandara YJŞ’ê Axîn Delîla jî  got, “Ji bo em careke din rastî xiyanetan neyên divê em tifaqa xwe xurt bikin. Em ê bi şopandina rêya şehîdên xwe azadiya xwe pêk bînin.”

 

 

Endamê Malbata Şehîdan Şahîn Şengalî jî şehîdên azadiyê bi bîr anî û got: “Em destê hemû dayikên şehîdan maç dikin û li hember şehîdên xwe bejna xwe ditewînin.”

 

Hevrêyê Şehîd Arif, Şahîn Xelef jî şehîdên Xanesorê bi bîr anî û got: “Hevalên me li ber xwe dan, xwîna xwe rijandin û nehiştin dijmin bikeve Xanesorê.”

 

 

Ji bo Amed Şengalî li Dîgurê merasîm hat lidarxistin

 

Ji bo şervanê Yekîneyên Berxwedana Şengalê (YBŞ)’ê Amed Şengal ê 3’yê Adarê di êrîşa hêzên çekdar ên girêdayî PDK’ê ya li hember Xanesorê de jiyana xwe ji dest da merasîmeke biranînê hat lidarxistin. Di bîranîna li bajaroka Dîgurê ya Şengalê hat lidarxistin xizmên Amed Şengalî, şervanên YBŞ-YJŞ’ê, nûnerên sazî û dezgehên Şengalê amade bûn.

 

                                               (ŞEHÎD AMED)

 

Rêveberê Asayîşa Êzîdxan Rekan Şengalî yê di bîranînê de axivî, diyar kir ku şehîd Amed bi rêz û hurmet bi bîr tînin û anî ziman ku 3’yê Tebaxa 2014’an piştî êrîşên çeteyên DAIŞ’ê li hember civaka Êzîdî fermaneke pir giran hat pêkanîn.  Şengalî got: "Gelê Şengalê, gelê Êzîdî di destpêkê de ji hêzên PDK’ê yên çekdarî bawer dikir, lê di êrîşên çeteyên DAIŞ’ê de gelê Êzîdî bi komkujiyê re rûbirû hiştin û reviyan. Ji bo gelê Êzîdî careke din bi komkujiyan re rûbirû neyê em ê li cem gelê xwe bin û gelê xwe biparêzin. Li Şengalê gelek saziyên me hene. Gelê Êzîdî li van deran e. Heta hevalên weke Şehîd Amed hebin, em ê destûrê nedin êrîşên li ser Şengalê.”

 

 

Dayika şehîd Amed Şengal a di bîranînê de axivî, got: “Şehîd Amed şehîdê me hemûyan e. Em ê jî heta dawiyê xwedî li têkoşîna wî derkevin û armancên wî bînin cih.”