YPG: Di êrîşên dewlet Tirk de gelek sivîl birîndar bûn

47

 

 

 

NAVENDA NÛÇEYAN

 

Fermandariya YPG’ê ya Efrînê têkildarî şer û êrîşên hewayî yên ji şevê din ve didomin bîlanço weşand.

 

Di daxuyaniya ku ji aliyê Fermandairya YPG’ê ya Efrînê ve hatî dayîn, ev tişt hate gotin;

 

“Şevê din, artêşa Tirk a dagirker cihên sivîlan kir hedef û bi balafirên şer bombe li herêmên sivîlan barandin. Êrîşa hewayî seat 22:00’an destepê kir û heta seatên sibê domkir.

 

ŞERA

 

Balafirên şer di seat 22:00’an de bombe li gundên Bafûnê, Erebwêran, Sînka yên Êzidî barandin û bombebaran seatê domkir.

 

BILBILÊ

 

Balafirên şer di derdora seat 23:30’an de bombe li Girê Kevirê Ker barandin. Di seat 01:00’an de jî gundên Şerqiya, Qestelê Xidirya, Qestelê Miqdêd û Kela dan ber bombeyan.

 

CINDIRÊS

 

Di seat 23:00’an de gundê Kefer Şele hate bombekirin. Di encama bombebaranê de dayika bi navê Emîne Cormiş (35) û 2 zarokên wê Mehûd û Mûstefa birîndar bûn. Dimênên li jêr belgeya êrîşane.

 

 

Balafirên şer ên artêşa Tirk di seat 23:00’an de gundê Miske bombebaran kir û sivîl di vê êrîşê de birîndar bûn. Di heman demê de derdora seat 23:00’an de gundê Axcele û girê Dok dan ber bombeyan. Di encama bombebaranê de sivîl birîndar bûn.

 

ŞIYÊ

 

Îro derdora seat 10:00’an de balafirên şer bombe li gundên Çekla û Hec Bile barandin. Li aliyê din li herêmê şerekî dijwar hebû.

 

ŞÊRAWA

 

Di seat 04:00’an de balafirên şer ên artêşa Tirk a dagirker bombe li gundên Êzidiyan Basûfanê û Bir Silêman barandin.

 

RACO

 

Îro seat 10:00’an de balafirên şer ên artêşa Tirk a dagirker navenda herêma Rocoyê kir hedef.

 

NAVENDA EFRÎNÊ

 

Şevê din di seat 23:00’an balafirên şer taxên Tirinde û Eşrefiyê dan ber bombeyan.

 

Di heman demê de balafirên şer derdora Efrînê kir hedef û sedan lawir telef bûn.”