Şandek parlamenterên Başûr diçe Efrînê

49

 

 

 

ROZA MIHEMED/ SILÊMANÎ

 

Biryare îro şandek a parlamenterên Parlamentoya Herêma Kurdistanê saet 11:00’ê di Deriyê Sînor ê Fîşxapur re derbasî kantona Efrîn a Rojavayê Kurdistanê bibin.

 

Li ser çûna şanda parlamenteran û armanca wan de parlamenterê Tevgera Goran Şêrko Heme Emîn ku endamê şandê ye, ji ajansa me re got; “Şandek a parlamentoya Herêma Kurdistanê ku ji herpênç komên YNK, PDK, Goran, Komunîst û Yekgirtû pêk tê, emê biçin Efrînê.”

 

Şêrko Heme Emîn wiha jî got; “Armanca me ya çûnê ji bo ragihandina peyam û piştgiriya parlamen û gelê Başûrê Kurdistanê jib o berxwedana gelê Efrînê li dijî dagirkeriya dewleta Tirk a li ser kanton û gelê sivîl ê Efrînê ye.”

 

 

Şêrko Heme Emîn di dawî de got; “Emê bi xwe re hinek pêwîstiyên tenduristî jî bibin. Her wiha ji bo ji nêz de berxwedanê bi şopînin. Her wiha êrîş û destdirêjiyên Tirkiyê bibînin. Piştre emê bikin rapor û bidin Serokatiya Parlamentoya Herêma Kurdistanê ku bi berdewamî alîkariya Efrînê bikin.”

 

(sk)