Tevgera Azadî li Kerkûkê bi awayekî fermî ofîsa xwe vekir

38

 

 

 

KERKÛK / ROJNEWS

 

Tevgera Azadî ya  Civaka  Kurdistanê îro di saet 15:00'an de li Kerkûkê bi beşdarbûna nûnerên aliyên siyasî û alîgirên Tevgera Azadî bi awayekî fermî bi merasîmekê  ofîsa xwe vekir.

 

Di merîsa vekirina Ofîsa Tevgera Azadî ya Civaka  Kurdistanê de Hevseroka Tevgera Azadî ya  Civaka  Kurdistanê Şîlan Şakir axivî û got; "Li Herêma Kurdistanê û Iraqê, damezirandina Tevgera Azadî ya  Civaka  Kurdistanê û wergirtina destûrê weke partiyekî siyasî qoxanekî girînge ji bo têkoşîna azadîxwazî ya Başûrê Kurdistanê. Tevgera Azadî berdewam li Kerkûkê têkoşîn kiriye, ji bo bersiva daxwazên civakê û pêkhateyên wê bide. Ji niha û pêve emê bi ruh û şêwake din kar û xebara xwe ya demokratîk berdewam bikin."

 

 

 

Şîlan destnîşan kir ku Kerkûk  bajarekî mînak ê bihevrejiyanbûna pêkhateyane û wiha domand; "Em niha hewl didin ku hemû pêkhate û netewe bi hev re jiyan bikin. Yek ji armanca sereke ya karê me eve. Weke Tevgera Azadî ya  Civaka  Kurdistanê em xwe di nava vê qonaxa çarenûsaz de erkdar dibînin. Emê beşdarî hilbijartinên parlamentoya Iraqê bibîn. Lewma daxwazê dikin ku her kes ji bo serxistina Tevgera Azadî hewldana bike."

 

Di 4'ê Kanûna 2017'an de li Iraqê Tevgera Azadî ya  Civaka  Kurdistanê weke partiyekî siyasî hate pejirandin. Tevgera Azadî ya  Civaka  Kurdistanê di 17'ê Cotmeha sala 2014'an de hate damerizandin.