Eseserd: Tecrîda li ser Ocalan dijî yasayên navneteweyî ye

25

 

 

 

ROZA MIHEMED/ SILÊMANÎ

 

19 sal di ser komploya navnetewî ya 15’ê Sibata 1999’an ya li hemberî Rêberê PKK’ê Abdullah Ocalan û radestkirina dewleta Tirk re derbas dibin. Bi vê boneyê endamê rêveberiya YNK’ê Ferîd Eseserd ku ji ajansa me re axivî, got; “Her girtiyek siyasî mafê xwe yê taybet heye. Yasayên cîhanî û yassayên her welatekî de ev maf hene. Ev tecrîd ne li gorî van yasaya ye. karek ne mirovane ye. Bi taybetî ku Ocalan kesek fikirmendê siyasî û şoreşger e.”

 

Endamê rêveberiya YNK’ê Ferîd Eseserd bal kişande ser tecrîda girankirî ya li ser Ocalan û wiha domand; “Ocalan kesek ku ji bo guhertinan hewldan dide ye. Di qonaxa yekem de bi rêya şoreşê hewldan daye. Di qonaxên din de hewl daye ku li girtîgehê aştiyê pêkbîne. Hewl daye ku dîwarên girtîgehê nebine asteng li pêşiya dilsozî û projeyên ji bo çareseriya pirsgirêka Kurd. Ocalan du qonax bi kar anîne. Ew jî bi rêya çek û aştiyê ne. Mixabin bi qonaxa aştiyê serkeftin bidest nexist. Ji ber ku aştî bi du aliyan çêdibe, ne ku tenê aliyekê.”

 

Li ser hewldanên ji bo azadiya Ocalan jî Eseserd wiha dewam kir; “Di qonaxa yekem de hewldana ji bo azadkirina Ocalan pir zehmete. Belê di qonaxa pêştir de partiya li Tirkiyê desthilat bû, şert û mercên heyîn pêwîstî bi aştiyê hebûn. Derfetek hebû ku vê mijarê vebêje. Belê niha li ser Ocalan tecrîda girankirî tê meşandin. Heya ji gotinên Ocalan jî ditirsin. Carna rê didan ku çûna li gel hebe û li gel wêne bigirin. Guftûgo bikin. Belê ev çend salin tecrîd sanîne ser. Divê ji bo rakirina vê tecrîdê xebat bê kirin ku Ocalan bikare fikira xwe bigehîne dervey girtîgehê.”

 

Eseserd diyar kir ku dewleta Tirk bi tecrîdkirina Ocalan wê ser nekeve û axaftina xwe wiha bi dawî kir; “Ger Tirkiye wisa bifikire ku bi vê tecrîdê wê bikare fikira Ocalan ji gelê wî qut bike, wê bi sernekeve. Ji ber Ocalan bingehek daniye û gel perwerde kiriye. Eve hemû fikirên wî hildigirin. Dibe hinek gotin hebin negihabin wan. Belê ewên gihiştine wan, ji bo dewamkirina têkoşîna xwe têra wan dike.”

 

(sk)