QSD’ê bîlançoya şerê 24 saetên dawî eşkere kir

33

 

 

NAVENDA NÛÇEYAN

 

Navenda Çapemeniyê ya Hêzên Sûriya Demokratîk (QSD) ya Efrînê bi daxuyaniyekê encamên şer û pevçûnên di navbera şervanên Berxwedana Serdemê û artêşa Tirk a dagirker û çeteyên wê de eşkere kirin.

 

Efrîn/navenda bajêr

 

Artêşa dagirker a Tirkiyeyê û komên çete yên girêdayî wê navneda bajarê Efrînê û çerxeriya gundê Ênhecerê ji saetên serê vê sibê ve bi çekên giran topbaran kirin. Topbaran heta saet 11:00’an dom kir.

 

Şevê din saet di 19:00’an de jî dagirkeran bi çekên giran taxa Eşrefiyê û gundê Turindê yê bi ser bajarê Efrînê ve topbaran kirin.

 

Şera

 

Li eniya gundên Sarîncekê û Duraqliya artêşa dagirker û çeteyên wê duh bi çekên giran derdora herdu gundan heta saet 17:00’an topbaran kirin.

Piştre di navbera şervanên me û hêzên dagirker de pevçûn rûdan û piştre jî balefirên dagirkeran gundê Duraqliya bombebaran kir.

Ji saetên sibê ve artêşa dagirker û çeteyên wê gundê Dêrsiwanê bi çekên giran topbaran kir û heta saet 11:00’an berdewam kir. Di encamê de ziyan bi mal û milkên welatiyên sivîl bûn.

 

Şiyê

 

Li eniyên navçeya Şiyê artêşa dagirker û çeteyên wê bi çekên giran hemû gundên navçeyê topbaran kirin. Topbaran ji şevê din heta îro saet 11:00’an berdewam kir.

Li gundê Çeqela hêzên dagirker bi çekên giran heta dema amadekirina vê nûçeyê gund topbaran dikin.

 

Reco

 

Li eniya gundê Qude di navbera şervanên me û hêzên dagirker de pevçûnên dijwar rû dan. Şervanên me êrîşeke dagirkeran li vê eniyê şikandin û hin çekên dagirkeran desteser kirin. Çete neçar man paşve birevin.

 

Îro ji serê sibê ve artêşa dagirker bi çekên giran gundê Qude û derdora wê topbaran dikin, balefirên dagirkeran jî bê navber li ezmanê vê deverê digerin.

 

Bilbilê

 

Di navbera şervanên me û hêzên dagirker de şevê din saet di 19:00’an de pevçûnên giran rûdan û di encamê de ziyanên mezin bi êrîşkaran bû û li gorî şevranan piştrast kirine tankeke êrîşkaran hatiye teqandin.

 

Ji saetên serê sibê ve balefirên keşfê yên artêşa dagirker li ezmanê navçeya Bilbilê bê navber digerin. Hêzên dagirker gir û gundên navçeyê bi çekên giran topbaran dikin.”