Parlamentoya Başûr wê têkildarî budceya Iraqê bicive

55

 

 

 

BIRYAR MIHEMED / HEWLÊR

Civîna Parlamentoya Herêma Kurdistanê, hikûmet Herêma Kurdistanê û parlamenterên Kurd ên li Bexda ya li Parlamentoya Herêma Kurdistanê bi dawî bû. Parlamentoya Herêma Kurdistanê wê têkilarî budceya giştî ya sala 2018'an a Iraqê bi amadebûna berpirsên hikûmeta Herêma Kurdistanê û parlamenterên Kurd ên li Bexda bicive.

 

Piştî civînê, Parlamenterê Parlamentoya Iraqê Ebdulqadir Mihemed di civîna çapemeniyê de eşkere kir ku di civînê de behsa rêyên dayîna mûçeyan û şandina budceya Herêma Kurdistanê ya li Bexda guftûgo kirine û got ku divê yekîtiya di nava komên Partiyên Kurdistanî de berdewam bike.

 

 Her wiha di civîna çapemeniyê de Serokê Komîsyona Darayî ya Parlamentoya Herêma Kurdistanê Dr. Ezet Sabîr jî wiha got; "Di demek nêzîk de bi amadebûna berpirsên hikûmeta Herêma Kurdistanê  û parlamenterên Kurd ên li Bexda, parlamentoya Herêma Kurdistanê dicive. Wê li wir biryar were dayîn ku Kurd li ser firotina petrolê berdewam bike, yan li gel Bexda lihev bike."

 

Parlamenterê Parlamentoya Iraqê Mesûd Heyder jî wiha destnîşan kir;"Hikûmeta Herêma Kurdistanê ragihand ku mehane Herêma Kurdistanê pêwîstî bi 580 milyar dînar heye ji bo mûçeyan, lê Bexda 419 milyar dînar ji bo Herêma Kurdistanê dişîne."