RJAK: Divê em 8’ê Adarê bikin roja bilindkirina têkoşîna jinan

92

 

 

 

NAVENDA NÛÇEYAN

 

Îro Rêxistina Jinên Azad ên Kurdistanê (RJAK) bi boneya 8’ê Adarê roja jinên têkoşer ên cîhanê daxuyaniyek nivîskî belav kir.

 

Di daxuyaniya Rêxistina Jinên Azad ên Kurdistanê (RJAK) de wiha hate gotin: “8’ê Adarê roja jinên kedkar ên cîhanê ye. Vê roja têkoşînê destpêkê li şehîd û berxwedanvanên jin li gelemperiya cîhan û bi taybetî têkoşerên Efrînê ku dijî eniyên têkoşînê ne pîroz dikin.

 

Dîroka jinê, ew dîroke ku nehatiye nenivîsandin û xwendin. Belê giyanê berxwedêr ê jinan ticaran tine nebûye. Ji bo wê jî 8’ê Adara îsal ji hemû salê zêdetir nêzî azadiyê ye. Îro li hemû dinyayê û bi taybetî jinên Kurd bi saya paradîgma Rêber Apo ji bo hemû mirovahiyê û gelên bindest ên cîhanê pêşengiya şoreşa mirovahiyê dikin.

 

Namus û evîn li vî welatî wateya jiyanek bi şeref û azad e. Îro li Efrînê jinên Kurdistanê li Rojhilata Navîn û cîhanê îspat kirine xweparastin û berxwedana jinan hemû civakê azad dike. Jin jiyane. Şoreşa jinê azadiya civakê ye. Êdî dema wê hatiye ku têkoşîna azadiyê bigehînine lûtkeyê. Xwe rêxistin bikin. Li gel erkê xwe parastinê, azadiya welat û azadiya Rêber Apo bikin bingehê jiyana azad.

 

Divê em jin li Başûrê Kurdistanê têkoşîn û berxwedana xwe berdewam bikin û dijî hemû hişmendiyên jinkuj rawestin. Ji bo bidawîkirina vê hişmendiyê yekîtiya me jinan çareseriye. Pêwîste roja 8’ê Adarê bikene roja bilindkirina têkoşîna jinan.”

 

Hêjay gotinê ye ku îro Komeleya Jinên Azad ên Rojhilatê Kurdistanê (KJAR) bi daxuyaniyek nivîskî 8’ê Adarê li jinên Kurdistan û Îranê pîroz kir û got; “Di destpêka sala 2018’ê de li Îran û Rojhilatê Kurdistanê serhildana gelan destpê kir. Jinan pêşengiya vê serhildanê kirin. Jin dijî sîstema mêrsalarî rawestan û ji bo daxwazên xwe yên azadiyê qêr kirin.

 

Li aliyek din jinên Kurd li Efrîn dijî artêşa faşîst a Tirk berxwedanek bê hempa dimeşînin. Îro li Rojhilata Navîn mirovatî di wêneyê tevgera azadîxwaz a jinên Apocî der derketiye û mizgîniya ji dayikbûna cîhanek nû dide.”

 

(sk)