‘Referandûmê cesaret da Erdogan ku êrîşî Efrînê bike’

61

 

 

 

 

 

 

MIHEMED HESEN / RANYA

 

Li Hola Pirtûkxaneya Giştî ya Ranya ya Silêmaniyê panela, 'Piştî 37 salên raperînê, desthilatdariya Herêma Kurdistanê ber bi kûderê ve?' ji bo Serokê berê Parlamentoya Herêma Kurdistanê Dr. Yusif Mihemed, Endamê Polîtboruya YNK'ê Seedî Ehmed Pîre, Endamê Meclîsa Siyasî ya Yekgirtûya  Îslamiya Kurdistanê Omer Mihemed û Wezîrê berê yê Jîngehê yê Herêma Kurdistanê Dara Heme Emîn re panelek hate organîzekirin.

 

Di destpêka panalê de Serokê berê Parlamentoya Herêma Kurdistanê Dr. Yusif Mihemed axivî û got; "Mixabin herdu partiyên desthilatên Herêma Kurdistanê şerê navxweyî kirin, piştî şerê navxweyî çavkaniyên welatê me li xwe parve kirin. Rewşa siyasî û aborî jî kûr kirin. Piştî 37 salan rewşa sîstema Herêma Kurdistanê eve."

 

 

 

Dr. Yusif eşkere kir ku refandûma Herêma Kurdistanê destkeftiyên Herêma Kurdistanê şikand û wiha domand; "Encamên referandûmê ne tenê ziyan gihand Herêma Kurdistanê, heya ziyan gihand parçeyên din ên Kurdistanê jî. Referandûmê cesaret da Erdogan ku êrîşî Efrînê bike."

 

 

Endamê Polîtboruya YNK'ê Seedî Ehmed Pîre piştî Dr. Yusif Mihemed axivî û wiha got; "Raperîn şoreşekî berdewame, mixabin welatên cîran li gel Herêma Kurdistanê rolekî xirab hebûn. Dikarin bêjin ku cîranên me xirab bûn. Ji ber ku destê wan di şerê navxweyî de hebû. Mûxalefet û partiyên di nava desthilatê de, çi baş û çi xirab beşdarî rêveberiya Herêma Kurdistanê bûne."

 

Endamê Meclîsa Siyasî ya Yekgirtûya  Îslamiya Kurdistanê Omer Mihemed di panelê de wiha axivî; "Baştirîn tişt ji bo parastina destkeftinên  raperînê çûna gel a li ser sîndoqa ne, ji bo desthilatdaran ceza bikin."

 

 

 

Herî dawî Wezîrê Jîngehê yê berê yê Herêma Kurdistanê Dara Heme Emîn axivî û wiha got; "Mixabin, bi saya siyaseta şaş a desthilatdariya Herêma Kurdistanê me nekariye weke Efrînê berxwedanê bikin. Di nava çand saetan de nîvê xaka Herêma Kurdistanê ji dest çû. Ji derveyî Kurdan şaşiya ti kesê nebû. Şaşiya mezin a siyaseta şikestî Herêma Kurdistanê gihand van rojan."