MIHEMED HESEN-HAWKAR MISTEFA/ROJNEWS

 

 

Li navenda îdareya Raperîn bajarê Ranya ya ser bi parêzgeha Silêmanî û navçeya Pêncwên ya ser bi Silêmanî meş û çalakiyên li dijî dagirkeriya dewleta Tirk a li ser Efrînê hatin lidarxistin.

 

Ranya

 

 

Îro êvarê li Ranya ji bo piştgiriya berxwedana Efrînê li navenda bazar meşeke girseyî bi pêşengiya  Tevgera Azadî ya Civaka Kurdistanê ve hate lidarxistin.

 

Di meşê de dirûşmên, ‘Em gelê Başûr piştgiriya Efrîn dikin’, ‘Li Efrîn berxwedane Başûr piştîvane’, ‘Bijî berxwedana Efrîn’ û ‘Dîkdator Erdogan’ bilind bûn.

 

Welatiyan di meşê de peyamên xwe yê piştgiriyê dan û gotin, ew amadene her cûre piştgiriyê bidin berxwedana Efrînê.

 

 

 

Di çalakiyê de posterên Rêberê PKK’ê Abdullah Ocalan, alên Tevgera Azadî, YPG û YPJ, RJAK, ala Herêma Kurdistanê û wêneyên sivîlên hatine qetil kirin, wêneyên şehîd Barîn Kobanê û Avesta Xabûr jî hatin rakirin.

 

Pêncwên

 

 

Her wisa vê êvarê li nava bazara Pêncwênê Ciwanên Welatparêz çalakiyeke nerazîbûnê ya li dijî komkujî û êrîşên dewleta Tirk lidarxist.

 

 

Di çalakiyê de posterên Ocalan, YPG û YPJ’ê hatin rakirin. Ciwanên Pêncwîn di çalakiyê de ragihandin ku ew amadene ji bo serkeftina berxwedana Efrînê her cûre berdêlê bidin û wiha hate gotin, “Divê ciwanên Başûrê Kurdistanê xwedî li Şoreşa Rojava derkevin û nehêlin dagirker gelê me di komkujiyê re derbas bikin.”

 

 (bz)

 

 

 

 

 

ОСТАВЬТЕ ОТВЕТ

Please enter your comment!
Please enter your name here