ROJNEWS / MEXMÛR

 

 Îro bi hezaran şêniyên Wargeha Penaberan a Şehîd Rûstem Cûdî (Mexmûr) saet 14:00’an li Navenda Çand û Hunerê dest bi pîrozbahiya Newrozê kirin û  pîrozbahiyê heya seat 19:00’an dom kir.

 

 

Qada Newrozê bi posterên Rêberê PKK’ê Abdullah Ocalan, alên PKK, HPG-YJA Star, YPG-YPJ, KCK û KJK’ê hatibû xemilandin. Her wiha posterê mezin yê yek ji pêşengên berxwedana zîndanên Amedê Mazlum Dogan hat hildan.

 

 Ji derveyî şêniyên wargehê bi sedan mêhvanên ji herêmên cuda yên Başûrê Kurdistanê û parçeyên din yên Kurdistanê beşdarî pîrozbahiyê bûn.

 

 

 Newroz bi dirûşma, ‘Bi rihê Newrozê, Bberxwedanê bilind bikin, li Efrînê bi ser bikevîn’  hate lidarxistin û ev Newroz diyarî berxwedana serdemê ya Efrînê hate kirin.

 

Pîrozbahiya Newrozê ku bi deqîqeyek rêzgirtina  ji şehîdên têkoşîna azadiya Kurdistanê re destpê kir. Bi axaftina Hevserokê Meclîsa Gel a Wargeha Mexmûr Huseyin Kara berdewam kir. Piştî axaftina Hevserokê Meclîsa Gel a Wargeha Mexmûr Huseyin Kara Agirê Newrozê hat pêxistin.

 

Piştî pêxistina Agirê Newrozê Koma Zagros derket ser dikê û bi stranên berxwedan û têkoşîne berdewam kir. Piştî koma Zagros Koma Penaber derket ser dikê,  piştî koma Penaber,  Koma Govendê ya Ciwanên Botanê bi govenda Koçerîn derket ser dikê,  piştî Koma govendê Koma  Cûdî ku ji Rojavayê Kurdistanê hatibû, bi stranên li ser Berxwedana Serdemê gelê wargehê coşand û gel li ber stranên Koma Cûdî govend gerandin, heya demjimêr 19:00’an gel govend gerandin.

 

Piştî govenda gel pîrozbahiya Newrozê bi dirûşmeyên ‘ Bijî Berxwedana Serdemê’, ‘ Bijî Serok Apo’, û ‘ Herder Efrîn, herder berxwedane’ bi dawî bû.

 

(kom/rn)

ОСТАВЬТЕ ОТВЕТ

Please enter your comment!
Please enter your name here