Şehîd Demhat Zîndan li Dihokê hat bîranîn

38

 

 

 

DIHOK / ROJNEWS

 

Li Dihokê gerîlayê HPG'ê Demhat Zîndan (Demhat Ehmed) di çilrojiya şahadeta xwe de, vê êvarê bi merasîmekê hate bîranîn. Malbatên şehîdan, nûnerên Tevgera Azadî ya Civaka Kurdistanê, Rêxistina Jinên Azad ên Kurdistanê (RJAK) û dehan welatiyê Dihokê beşdarî merasîmê bûn.

 

Merasîmê bi deqeyek rêzgirtina ji bo şehîdên Têkoşîna Rizgariya Gelê Kurd destpê kir. Piştre peyamên HPG'ê, Komîteya Malbatên Şehîdên PKK'ê yên li Başûrê Kurdistanê û Rêxistina Jinên Azad ên Kurdistanê (RJAK) hatin xwendin. Herwiha bavê Şehîd Demhad Zîndan jî axivî.

 

Di merasîmê de sînevîzyona derbarê jiyan û têkoşîna gerîlayê HPG'ê Demhat Zîndan de hat pêşkêşkirin.

 

Şehîd Demhat Ehmed di sala 1998'an de li Şêdadizê ji dayik bûye. Di sala 2012'an de beşdarî nava refên HPG'ê bû. Şehîd Demhat Zîndan beşdarî berxwedana Kobanê bibû.

 

Gerîlayê HPG'ê Demhat Zîndan di Bihara îsal de li herêma Biradost, di encama êrîşên hewayî yên dewleta Tirk a dagirker de şehîd bû.