‘Dixwazin erkê rêveberê Gulale ji dest derxin’

31

 

 

EMÎRE XANEQÎN/ XANEQÎN

 

Rêveberê bajarokê Gulale yê ser bi navçeya Xaneqîn a ser bi parêzgeha Diyale Yaqub Lihêbî, li parêzgeha Diyale di roja 21’ê Gulana îsal de hate binçavkirin. Yaqub niha li bajarê Beqube yê navenda parêzgeha Diyaleye û dibin çavan de tê ragirtin.

 

Li ser binçavkirina Yaqub, berpirsyarê komîteya YNK’ê yê Gulale Xelîl Xudadayî ji RojNews re axivî. Xelîl got; “Hewl didin rêveberê Gulale Yaqub ji erkê wî deynin. Ji bo vê em daxwaza civîna encûmana navçeyê dikin. Hinek endamên Kurd yên encûmana navçeya Gulale û beşek ji Ereban jî diyar kirin ku ger Yaqub Lihênî ji kar bê dûrxistin, ew tevlî civînê nabin.”

 

Yaqub Lihêbî ji eşîra Ereban a Lihêbiye. Di serê sala 2015’an de weke rêveberê navçeya Gulale dest bi kar kir. Yaqub di 21’ê Gulana 2018’an de li Diyale hatiye girtin.

 

(rn)