Çend çalakvan li ber Girtîgeha Sine hatin binçavkirin

37

Şevê din li ber Girtîgeha Sine dijî cezayê darvekirinê yê Ramîn Hisên Penahî çalakiyek hate lidarxistin. Hêzên rejîma Îranê êrîşê çalakvanan kir û çend çalakvan binçav kirin. Her duh bavê Ramîn Hisên Penahî, Mihemed Hisên Penahî ji aliyê hêzên Îranê ve hate revandin û bi zorê îfadeya dijî kurê wî jê girtin.

Hat diyarkirin ku du ji wan çalakvanên li ber Girtîgeha Sine hatine binçavkirin navê wan Xalîd Hisênî û Refîq Kerîmî ye. Polîsan di dema binçavkirina çalakvanan de gule jî berdane.

Li aliyek din bavê Ramîn Hisên Penahî, Mihemed Hisên Penahî ku bi navê Xalo Mîrza tê nasîn û dayika Ramîn, Şerîfe dîmenek belav kirine ku têde dibêjin duh hêzên Îtlaatê bi ser mala wan de girtine û Xalo Mîrza birine ku Ramîn bibine. Belê ew birine cihek nediyar, bi êşkence û zorê îfadeyên dijî Ramîn jê wergirtine.

(rn)