Parlementoya Iraqê bi rojeveke taybet kom dibe

41

Parlementoya Iraqê ji bo xwendina pêşniyarqanûna ji bo dirêjkirina dema parlementoya Iraqê ku 30’ê Hezîranê bi dawî dibe îro, kom dibe.

Têgotin dibe ku koma PDK’ê û YNK’ê yên parlementoya Iraqê tevlî rûniştinê nebin.

Parlementoya Iraqê 2’yê Hezîranê rûniştina yekemîn a ji bo dirêjkirina dema parlementoya Iraqê pêk anîbû û rûniştina duyemîn jî weke 24’ê Hezîranê hatibû diyarkirin.

12’ê Gulanê hilbijartinên parlementoya Iraqê çêbûbû. Lê, ji ber gelek alî ji encaman nerazîbûn û gotin sextekarî hatiye kirin parlemento biryar da ku deng sedî sed bi dest werin hejmartin. Dadgeha Federal a Iraqê jî vê pêşniyara parlementoyê qebûl kir. Lê, heya niha jî hejmartina dengan dest pê nekiriye.

Destpêkê bi awayeke bi guman li Bexdayê agir bi sindoqan ket û hate gotin ku ev qeza nîne bi zanabûne. Duh jî hat îda kirin ku sindoq li ser karmendên komîsyona hilbijartinê de ketiye û kesek miriye, 3 kes jî bi giranî birîndar bûye.

Tevî ku têgotin wê deng ji nûve werin hejmartin jî partiyên dengên zêde bidestxistine xebatên tifaqan didin meşandin û hewldana avakirina hikûmetê berdewam dike.