QSD: Di Pêngava Bagera Cizîrê de li Dişîşayê 274 çete hatin kuşti

48

Fermandariya Giştî ya Odeya Çalakiyan a Pêngava Bagera Cizîrê, derbarê rizgarkirina bajaroka Dişîşayê de daxuyaniyek li ser malpera fermî ya Hêzên Sûriyeya Demokratîk weşand.

Ferahiya 600 km2 hate rizgarkirin

Oedeya Çalakiyan diyar kir ku Pêngava rizgarkirina bajaroka Dişîşa di dîroka 3’ê Hezîrana 2018’an de ji du baskan ve rojava (Şedadê) û rojhilat (Hol) dest pê kir. Pêngav bi rizgarkirina bajaroka Dişîşayê, gund û mezreyên wê ku dirêjahiya 600 km2 ye, her wiha rizgarkirina deriyê Til Sifûk bi encam bû. Di dîroka 24’ê Hezîrana 2018’an de hêzên QSD’ê û hêzên Iraqê li ser sînor gihan hev.

Di daxuyaniyê de tê gotin ku şervanan bi sedan sivîl rizgar kirin, tîmên rakirina mayîna mayînên ku terorîstên DAIŞ’ê bi armanca astengkirina pêşveçûnên şervanan çandibûn, bê bandor kirin. Her wiha hate diyarkirina ku di şer de tuneleke DAIŞ’ê ji aliyê şervanan ve hate dîtin.

274 çete hatin kuştin

Odeya Çalakiyan a Pêngava Bagera Cizîrê destnîşan kir ku di şerê di navbera şervanan û terorîstên DAIŞ’ê de ku çekên sivîl, navîn û giran li herdu baskan hatin bikaranîn di nav de 4 emîr 274 terorîst hatin kuştin û 13 jî dît hatin girtin.

Miqareke çek hatin desteserkirin

Di raporê  de her wiha ev agahî hatin dayîn «Şervanên me erebeyeke Banco, du erebeyên bomebekirî, erebeyek bi cebilxane barkirî, hejmareke motorsêklêt rûxandin û 8 pargehên wan jî kirin hedef. Li aliyekî din jî 6 topên hawn, 2 oburs, 2 çemberên terorîstên DAIŞ hatin rûxandin.

Doçka 23, doçka 12.0, obus SPG9, 13 topên RPG 7, 3 çekên RPG7, erebeyek bomebekirî, sarîcek mezin, 3 telefonên betel (Hitra), erebeyek Hemmer, miqdareke mezin cebilxane, 6 telefonên destan ji bo teqînê û du sarîc yek jê bomebekirî hatin ketin destê şervanan.»

Odeya Çalakiyan eşkere kir ku di şer û pevçûnên di navbera şervanan û çeteyên DAIŞ’ê de 3 şervanên wan şehîd bûn û 20 jî birîndar bûn.