Li Çelê 5 leşker û li Wanê 3 endamên îstixbaratê hatin kuştin

44

Navenda Ragihandin û Çapemeniyê ya HPG’ê li ser çalakiyên hêzên gerîla yên vê dawiyê daxuyaniyeke nivîskî weşand.

Li Çelê 5 leşkerên Tirk hatin kuştin

Di daxuyaniyê de hate gotin, hêzên gerîla di çarçoveya Pêngava Şoreşgerî ya Şehîd Pîroz û Şehîd Agirî de roja 25’ê Hezîranê saet 12:30’î li navçeya Çelê ya Colemêrgê li dijî dagirkerên li ser girê Merganişê çalakiyek kirine.

Li gorî daxuyaniyê, derbên giran li çeperên leşkerên Tirk hatine xistin û di encamê de çeperek hatiye rûxandin û 5 leşker hatine kuştin.

3 personelên îstîxbaratê hatin kuştin

Di dewama daxuyaniyê de li ser rewşa dawî ya Pêngava Şoreşgerî ya Şehîd Delal û Şehîdên Bestayê ev agahî hate dayin: «Hêzên me yên YJA Starê êvara 21’ê Hezîranê saet 22’an, li navçeya Saray a Wanê li nêzî gundê Panemêrê li wesayitekê xistin ku personelên îstîxbaratê û çawişên pispor tê de bûn. Ji nêz ve derb li wesayitê hate xistin û di encamê de 3 îstîxbaratvan hatin kuştin, yek jî birîndar bû.»