Ji bo piştgiriya Efrînê li Silêmaniyê panel

79

 

 

 

 

SILÊMANÎ / ROJNEWS

 

Li Hola Perêz a Silêmaniyê îro di seat 16:00'an de ji aliyê Navenda Piştgirîkirina Ezmûnên Xelkê Rojava, panelek taybet ji bo piştgiriya Efrînê hat saz kirin.  Panel bi dirûşmeya 'Efrîn kelha xweragirî û berxwedanê ye' pêk hat.  Di panelê de ji aliyê Parlamenterê YNK'ê Salar Mehmûd, Nûnerê PYD'ê yê Herêma Kurdistanê Xerîb Hiso, Nivîskar û çalakvan Şoreş Emîn, Berpirsê Heyva Sor a Kurdistanê Azad Elî ve axaftin hatin kirin. Panel ji aliyê endamên Navenda Piştgirîkirina Ezmûnên Xelkê Rojava Roşin Qasim û Herdî Ehmed ve hat bi rêvebirin.

 

Di serî de  li ser navê  Navenda Piştgirîkirina Ezmûnên Xelkê Rojava Rêbwar Kerîm behsa amanca damezirandina Navenda Piştgirîkirina Ezmûnên Xelkê Rojava  û komîteya piştgiriya li Ezmûnên xelkê Rojavayê Kurdistanê kir.

 

 

Piştre Nûnerê Partiya Yekîtiya Demokratîk (PYD) yê Herêma Kurdistanê Xerîb Hiso axivî û bal kişand li ser ezmûnên Rojavayê Kurdistanê û şêwazê rêveberiya kantonên Rojavayê Kurdistanê. Herwiha Hiso behsa pirsgirêk û ambargoya li ser Rojavayê Kurdistanê kir.

 

 

 

 

Piştre jî Parlamenterê YNK'ê Salar Mehmûd axivî û bal kişand li ser sîstema rêveberiya Rojavayê Kurdistanê û piştre jî behsa behsa êrîşên dewlata Tirk a digirker ên li ser Rojavayê Kurdistanê û bi taybet jî Efrînê kir.

 

 

Berpirsê Heyva Sor a Kurdistanê Azad Elî jî behsa tenduristaya Rojavayê Kurdistanê û bi taybet herêma Efrînê kir. Herwiha wiha azad têkildarî pirsgirêkên ji ber ambargoya li ser Rojavayê Kurdistanê derdikevin jî kir.

 

 

Di dawiya panelê de jî Nûnerê Partiya Yekîtiya Demokratîk (PYD) yê Herêma Kurdistanê Xerîb Hiso bersiva  pirsên têkildarî rewşa Efrîn û Rojavayê Kurdistanê da.